Á Vísindagörðum blómstrar samfélag þar sem háskólar, fyrirtæki og rannsóknarstofnanir vinna saman að skapandi lausnum á helstu áskorunum samtímans.

Djúptæknisetur

Vísindamenn og fyrirtæki hafa lengi kallað eftir betri rannsóknarinnviðum og tækjabúnaði á Íslandi. Hugmyndin er að bæta þessa aðstöðu, auk þess að skapa aðstæður fyrir þverfaglegt samstarf í vísindarannsóknum og aukin tengsl við atvinnulíf og fyrirtæki. Jafnframt að bæta aðstöðu sprotafyrirtækja sem og stórra fyrirtækja til nýsköpunar.

Frá þekkingu til verðmæta

Á Vísindagörðum eru rannsóknarstofnanir, yfir 500 stúdentaíbúðir og fjöldi sprotafyrirtækja auk stærri aðila á sviði upplýsingatækni og líftækni. Til framtíðar er horft til þess að fá fyrirtæki í orku- og sjálfbærnigeirunum til að starfa á svæðinu. Öll vinnum við saman að því að umbreyta þekkingu og grunnrannsóknum í verðmæti fyrir land og þjóð.

Samfélagið í Mýrinni

Í Mýrinni, nýsköpunarsetri Vísindagarða, starfar fjöldi einyrkja, sprotafyrirtækja og klasa. Það má segja að þar spretti upp nýjar hugmyndir í hverri einustu viku. Hafðu samband ef þig vantar vinnuaðstöðu til að hrinda þinni hugmynd í framkvæmd.

Mannlíf og náttúra

Vísindagarðar eru steinsnar frá mannlífi miðborgarinnar og iða af öllu því lífi og menningu sem fylgir kröftugu háskólasamfélagi. Það er skammur gangur í náttúruparadísina í Öskjuhlíð og að sjávarsíðunni. Þá er friðlandið í Vatnsmýrinni sannkölluð vin í borginni, með óviðjafnanlegu fuglalífi og gróðri.